Numri ditor i infeksioneve arriti në një rekord 3,994 raste dhe numri i vdekjeve vazhdon të rritet.

“Në situatën aktuale, ne po përballemi me  një mbingarkesë të sistemit të kujdesit shëndetësor,” tha Lawrence Wong, bashkëkryetar i një task force qeveritare që lufton Covid-19.

Wong, i cili është gjithashtu ministër i financave, tha se gati 90 përqind e shtretërve të izolimit në spitale janë mbushur, dhe më shumë se dy të tretat e shtretërve të njësive të kujdesit intensiv janë zënë.

Shumica e rasteve të Singaporit janë të lehta ose asimptomatike me pacientë që shërohen në shtëpi, duke lejuar që spitalet të fokusohen te pacientët e sëmurë rëndë Covid.

“Ne po përpiqemi të shtojmë kapacitet, por nuk është thjesht një çështje për të pasur shtretër shtesë ose për të blerë pajisje të reja sepse personeli ynë mjekësor është shtrirë dhe lodhur,” tha Wong.

“Dhe ndërsa ne po përpiqemi të përforcojmë ekipin, do të duhet kohë që të vijnë këto përforcime.”

Bashkë-udhëheqësi i Taskforcës dhe Ministri i Shëndetësisë Ong Ye Kung tha se numri i infeksioneve në mesin e njerëzve të pavaksinuar të moshës 60 vjeç e lart “vazhdon të jetë i lartë”, duke është i përbërë dy të tretat e pacientëve në ICU dhe ata që kanë vdekur.

Komentet e tyre erdhën një ditë pasi qyteti zgjeroi udhëtimin e tij pa karantinë për pasagjerët plotësisht të vaksinuar, përfshirë partnerët kryesorë tregtarë Shtetet e Bashkuara, Britaninë dhe Francën.

Kryeministri Lee Hsien Loong ka thënë se qendra globale e biznesit nuk mund të mbetet e mbyllur pafundësisht, dhe shteti është zhvendosur nga një strategji e tolerancës zero me bllokime dhe kufij të mbyllur në marrjen e qasjes së jetesës me Covid-19.

Rregullimi i korsisë së udhëtimit filloi me Brunein dhe Gjermaninë muajin e kaluar dhe do të përfshijë Korenë e Jugut nga 15 nëntori.

Singapori ka raportuar afro 155,000 raste të koronavirusit me 246 vdekje që nga e marta.