Trajneri i Mariborit, Milaniç, foli shkurtimisht për ‘RTSH’ pas fitores që ekipi i tij mori kundër Partizanit në ndeshjen e vlefshme për “Europa League”.

Ai u shpreh se sot në kryeqytetin shqiptar ishte një ndeshje shumë e vështirë dhe se kualifikimi do të vendoset një javë më pas, në Slloveni.

Një fitore e rëndësishme jashtë, a ishte kjo një ndeshje e vështire?

Ishte një ndeshje shumë e vështirë për ne. Na vjen keq që nuk shënuan pjesën e parë, por e rëndësishme është që fituam pasi kjo ishte një ndeshje shumë e rëndësishme

A është i sigurt kualifikimi apo çdo gjë do të vendoset në Slloveni?

Do të jenë 90 minuta, asgjë nuk është e sigurt. Partizani është një kundërshtar i vështirë. Në ndeshjen brenda do të kemi edhe mbështetjen e tifozëve. Kjo gjë do të na ndihmojë. Gjithsesi do t’i mbetet fushës së lojës.

(BalkanWeb)

Etiketa: