Pas skandalit me njohjen nga Xhamajka të gjithë gishtat akuzues janë drejtuar nga ambasadorja e Kosovës në SHBA, Vlora Çitaku.

Teksa dje u distancua nga ngjarja në fjalë dhe zyra e Presidentit Hashim Thaçi, i cili ishte i pari që publikoi në rrjetet sociale lajmin, lumë komentesh dhe reagimesh dolën kundër Çitakut, madje kërkuan dhe dorëheqjen e saj nga detyra.

Por deputetja e PDK-së, Eliza Hoxha, i ka dalë në krah ambasadores pas skandalit ku u njoftua se Xhamajka kishte njohur pavarësinë e Kosovës, ndërkohë që ky shtet e mohoi. Përmes një statusi në rrjetet sociale, Hoxha e quajti vlerë të shtetit Çitakun dhe se për të dhe gra të tilla diplomate duhet të jenë krenarë.

“VLORA është vlerë e Kosovës. Edhe MODESTA po ashtu. ??? Kosova duhet të jetë krenare për gra të tilla që bëjnë diplomacinë tonë dhe ngrenë imazhin e shtetit tonë nëpër botë. Unë jam shumë krenare me to”, ka shkruar ajo në Facebook.

Kujtojmë se Çitaku ende nuk ka reaguar në lidhje me ngjarjen në fjalë.
(BalkanWeb)