Sot është e famshme, e pasur dhe këngët e saj i dëgjon gjithë bota, por dikur Bebe Rexhën nuk e pranonin të studionte në kolegjet më të mira të Amerikës.
Përmes një postimi në Twitter ajo ju ka dhënë një mesazh të gjithë fansave të rinj që të mos demoralizohen nëse nuk pranohen në një kolegj për të studiuar.

“Nëse po aplikoni për kolegj dhe nuk pranoheni, thjesht doja t’ju bëja të ditur. Unë vdisja që të futesha në shkollën e muzikës në Manhattan dhe Julliard. Nuk u pranova në asnjërën prej tyre dhe bëra muzikë sipas mënyrës sime. Nuk keni nevojë për një kolegj fantastik që të jeni të suksesshëm”, ka shkruar Bebe.