TIRANË- Kreu i Komisionit të Sigurisë, Spartak Braho ka shprehur sot shqetësimin se Shërbimi Informativ Kombëtar nuk jep llogari në Parlament që prej dy vjetësh.
Po sipas tij, SHISHi ka përgjuar dhe përgjon titullarë institucionesh dhe zyrtarë të lartë, prandaj propozon të bëhen menjëherë ndryshimet ligjore për raportimin e agjencive inteligjente, pasi SHISH refuzon kontrollin dhe llogaridhënien.
“Ka dy vjet e ca që Shërbimi Informativ Shtetëror, nuk raporton në Kuvend. Madje edhe një tentativë që u bë për të kontrolluar veprimtarinë për zbatimin e ligjit të financimit, u refuzua edhe prej tyre dhe falë edhe indiferencës së qeverisë edhe strukturave parlamentare, kjo gjë mbeti në heshtje’’, tha Braho
“Ka pasur sinjalizime të forta, që nën hundët e Prokurorisë janë bërë përgjime për titullarët e institucioneve të tjera, por këto mbeten në kuadrin e hamendësimeve dhe që priten të verifikohen’’, vazhdoi më tej Braho.
(ma.ar/BalkanWeb)