Nga sot, Spitali Continental do të mbajë zyrtarisht emrin “Haxhi Dede Reshat Bardhi”. Ky emërtim është një shenjë nderimi për një figurë të rëndësishme, Haxhi Dede Reshat Bardhin, i cili u nda nga jeta në vitin 2011, pasi kishte shërbyer si Kryegjysh Botëror i Bektashinjve.

Emërtimi i këtij spitali me emrin e tij lidhet ngushtë me vlerat që ai përfaqësoi gjatë gjithë jetës – humanizmin, dashurinë për njeriun, bamirësinë, përkushtimin dhe besimin. Synimi është që ky institucion të jetë një strehë e sigurt për çdo njeri që kërkon shërim, një hapësirë ku dhimbja të zëvendësohet me shpresë dhe ku kujdesi mjekësor të shoqërohet gjithmonë me dashamirësi.

Kjo vepër bamirësie është rezultat i kontributit të besimtarëve, bamirësve dhe njerëzve me zemër të madhe, të cilët për më shumë se dhjetë vite kanë mbështetur dhe bërë të mundur jetësimin e këtij misioni.

Sot, emri “Haxhi Dede Reshat Bardhi” bëhet pjesë e kësaj vepre, duke e lidhur kujtimin e tij me një institucion që i shërben jetës.