Një modele 27-vjeçare u gjet e vrarë brutalisht në një dhomë hoteli luksoze në Tajlandë, ku kishte shkuar për pushime me partnerin e saj polak.
Sipas policisë lokale, 25-vjeçari polak u arrestua dhe u akuzua për vrasjen e të dashurës së tij ukrainase, duke përdorur një sharrë për të copëtuar trupin e saj.
Vajza ishte një modele nga Ukraina. Alona, 27, u vra në një dhomë në katin e 32-të të një hoteli në lagjen Bang Kho Laem të Bangkok.
Sipas një zëdhënësi të policisë, vajza e kishte marrë me qira dhomën me të dashurin e saj 25-vjeçar, i cili kishte shkuar në Tajlandë për ta takuar më 29 prill.
Dy ditë më parë, më 15 maj, burri thirri një taksi. Kur makina mbërriti, i riu ishte i shqetësuar dhe dukej se po nxitonte, duke ngritur dyshime.
Konkretisht, personat e sigurisë në hotel nisën të dyshonin se diçka nuk shkonte kur e panë të dilte nga ndërtesa, i vetëm, nervoz dhe me nxitim, duke tërhequr zvarrë bagazhin ndërsa lëvizjet e tij i dukeshin të çuditshme taksistit i cili më pas lajmëroi menaxherin e hotelit.
Në fakt, pamjet e kamerave tregojnë burrin duke dalë nga ashensori, duke tundur dhe shtrënguar valixhen e tij.
Punonjësit e policisë kanë shkuar në vendngjarje dhe kanë nisur hetimet, duke nisur nga kamerat e CCTV-së, ndërsa pas thirrjes së taksistit, stafi i hotelit është ngjitur në katin e 32-të ku ndodhej dhoma e çiftit dhe ka gjetur trupin e copëtuar të gruas së re.
Fytyra e saj ishte e mbuluar me gjak dhe dora e majtë i ishte prerë në kyçin e dorës. I është prerë pjesërisht edhe koka, ndërsa ka pasur edhe një plagë me thikë në gjoks. Pranë trupit të saj ishte dhe një sharrë e përgjakur.
Hetuesit besojnë se ajo kishte vdekur një ditë para se të gjendej, pra para përpjekjes së partnerit të saj për t’u arratisur të hënën, më 15 maj.