Të shtëna me armë zjarri u dëgjuan në periferitë jugore të Bejrutit, ndërsa një armëpushim me Izraelin hyri në fuqi në mesnatë të enjten, njoftuan gazetarët e AFP-së.

Mediat zyrtare libaneze raportuan gjithashtu për të shtëna me armë zjarri në fillim të armëpushimit 10-ditor të njoftuar të enjten nga Presidenti i SHBA-së Donald Trump.

Sektori jugor i Bejrutit, i konsideruar si një bastion i Hezbollahut, i cili është afër Iranit, ka pësuar goditjet më të rënda nga sulmet ajrore izraelite që nga fillimi i armiqësive më 2 mars.

Nga ana e saj, Times of Israel raporton se Hezbollahu nisi sulme me raketa ndaj vendbanimeve në Izraelin verior, vetëm pak minuta para se të hynte në fuqi shtetrrethimi. IDF tha se vetëm një nga raketat ra në zonë të hapur dhe të tjerat u interceptuan.

Ndërkohë, Izraeli vetëm dje goditi 380 objektiva të Hezbollahut, individë dhe struktura mbështetëse në Libanin jugor.