Të paktën 62 emigrantë janë konfirmuar se kanë vdekur nga mbytja e anijes në brigjet e Italisë, përfshirë 12 fëmijë dhe 1 foshnjë.
Ekziston frika se më shumë se 100 njerëz, përfshirë fëmijë, kanë vdekur pasi varka e tyre u mbyt në brigjet e Kalabrisë. Anija, që mendohet se kishte rreth 200 njerëz, u u mbyt ndërsa po përpiqej të zbriste pranë Crotone-s të dielën.
Moti i keq në detin Mesdhe po pengon përpjekjet e kërkimit për shkak të erërave dhe mbeturinave.
Autoritetet italiane raportojnë se 80 refugjatë u shpëtuan. Ata ishin shtetas iranian, pakistanez dhe afganë.
Kryeministrja italiane Giorgia Meloni vitin e kaluar u zotua se do të frenojë fluksin e emigrantëve, ndërsa dje shprehu “dhimbje të thellë” dhe fajësoi trafikantët për vdekjet e refugjatëve.
“Është çnjerëzore të shkëmbesh jetën e burrave, grave dhe fëmijëve me çmimin e ‘biletës’ që ata paguan në perspektivën e rreme të një udhëtimi të sigurt. Qeveria është e përkushtuar për të parandaluar largimet dhe bashkë me to shpalosjen e këtyre tragjedive dhe do të vazhdojë ta bëjë këtë”, tha Meloni në një konferencë për shtyp.
Qeveria e Melonit është zotuar të ndalojë emigrantët që të arrijnë në brigjet e Italisë dhe në ditët e fundit ka miratuar një ligj të ri të ashpër që shtrëngon rregullat për shpëtimin.
(BalkanWeb)