3-0 është një rezultat fantastik, Barça hedh një hap të sigurt drejt finales së Champions League por Erneste Valverde sheh dhe më larg, “tripileta” për të është e mundur:

“Futbolli është i tillë, ndonjë herë dominon ndonjëherë jo. Kundër Liverpool ishte e ndërlikuar, në fund morëm një fitore shumë të vyer. Jemi në garë për të fituar të tre trofetë këtë sezon, shpresoj që në fund të ndodh kështu.

Messi? Nuk më befason, e dimë se çfarë është në gjendje të bëj. Kundër Liverpool ishte deçiziv”, u shpreh trajneri i Barcelonës në përfundim të ndeshjes. Jurgen Klopp pësoi një disfatë të rëndë në transfertën katalunjase por tekniku gjerman nuk kërkon alibi, thjesht pranon rezultatin:

“Futbolli kështu është, mund të ndodhin shumë gjëra, kështu ndodhi dhe kundër Barcelonës, gjithsesi ishte një ndeshje e bukur. Është e vështirë të luash një ndeshje të tillë kundër Barcelonës por jam i lumtur me atë që dhanë futbollistët. Është një rezultat i rëndë por e pranojmë. Traversa, shtylla dhe Ter Stegen? Po, por çfarë doni të them, nuk e di se çfarë mund të ndodh në ndeshjen e kthimit.
(BalkanWeb)