DURRES- Gjykata e Durrësit ka hedhur poshtë kërkesën e prokurorisë për caktimin e masës së sigurisë “arrest me burg” për shtetasin turk Muhammet Yasir Aydogmus, për të cilin autoritetet turke kanë nxjerrë urdhër kërkimi ndërkombëtar, pasi ndaj tij një gjykate në Stamboll ka caktuar masën “arrest me burg” për “pjesemarrje në organizate terroriste të armatosur”.
Shtetasi turk i arrestuar në portin e Durrësit me akuzën e terrorizmit do të gjykohet në gjedje të lirë.
Prokuroria e Durresit kërkoi caktimin e masës “arrest me burg” për efekt ekstradimi. Por gjykata, pasi ka vlerësuar të ligjshem arrestin e kryer nga policia gjyqësore, ka vendosur lirimin e tij nga salla e gjyqit dhe gjykimin në gjendje të lirë.
Muhammed Aydogmus u ndalua në Durrës bashkë me bashkëshorten dhe dy fëmijët.
(e.f/BalkanWeb)
