Mrekullitë ekzistojnë, por nuk ishte ky rasti. Shqipëria U21 u mposht sonte 3-0 në fushën e Anglisë, në ndeshjen e vlefshme për kualifikueset e Europianit.“3 luanët” ndëshkuan ekipin e Bushit vetëm pas 45 minutash, pasi deri atëherë po ia dilnim të mbroheshim mirë. Autor i golit do ishte Balogun, pas një assisti të Smith Rowe.
Në minutën e 66-të, anglezët futën fitoren në kasafortë, pas rrjetës së radhës së Balogun.Golat nuk ndalen me kaq, pasi ka kohë edhe për Archer (77′).Ekipi jonë nuk e mbyll me gjithë lojtarët takimin, pasi Dobra në fund mori kartonin e dytë të verdhë.
Ekipi i Carsley kryeson kështu grupin G me 22 pikë. Shqipëria U21 është e pesta me vetëm 9 pikë të grumbulluara. Në një grup me ne janë edhe Andorra, Kosova, Sllovenia dhe Çekia.
(BalkanWeb)