Liverpool shpërblen parashikimet, por duhet të vuajë shumë për të siguruar biletën për në finalen e Botërorit të Klubeve. Skuadra e Jurgen Klopp festoi vetëm në kohën shtesë fitoren 2-1 kundër Monterrey, duke konfirmuar veten si favorite kryesore për trofeun prestigjoz të futbollit botëror. Ndeshja nisi në mënyrën më të mirë për kampionët e Europës.
Që në minutën e 12-të Keita gjeti rrugën e rrjetës për epërsinë e anglezëve, duke dhënë përshtypjen se fitorja e tyre do të ishte e thjeshtë. Por këto pritshmëri u rrëzuan shumë shpejt. Pas vetëm dy minutash, meksikanët kampionë të Amerikës Qëndrore dhe Veriore barazuan shifrat me Funes.
Nuk sollën asgjë minutat e mbetura të pjesës së parë, ndërsa me rikthimin në fushë për të dytën ritmi i ndeshjes qëndroi i njëjtë. Monterrey provoi të bënte suprizën e madhe, por shpresat e formacionit meksikan u shuan me nisjen e kohës shtesë. Firmino shënoi golin e dytë dhe të fitores për Liverpool që në finalen e Botërorit të Klubeve gjen brazilianët e Flamengo.
(balkanweb)