Inter Miami triumfoi pastër 5-0 ndaj Orlando Cityt, në ndeshjen e vlefshme për kampionatin. Vendasit nuk e vendosën për asnjë moment në diskutim fitoren, në një sfidë të dominuar totalisht.

Luis Surez gjeti golin e parë me fanellën e skuadrës amerikane në minutën e katërt. Suarez realizoi edhe në minutën e 11-të, për t’i dhënë qetësinë e duhur skuadrës. Taylor, në të 29-tën, thelloi edhe më shumë avantazhin.

Në pjesën e dytë, radhën e kishte Lionel Messi. Ylli argjentinas me dopietën e tij në këtë sfidë argëtoi në maksimum tifozët, që kishin zgjedhur të shikojnë ndeshjen nga shkallët e stadiumit në Chase Stadium (Fort Lauderdale, FL). Në këtë sfidë, titullarë ishin edhe Busquets me Jordi Albën. Në 3 ndeshjet e para të sezonit, Inter Miami ka grumbulluar 7 pikë.

(J.S/BalkanWeb)