POGRADEC
Emigrantët ilegalë që e përdorin Shqipërinë si një vend transit për të kaluar në vende të BE janë të shumtë.
Policia ditët e fundit ka raportuar shumë raste të ndalimit të tyre, si dhe shoferëve që marrin përsipër kalimin e emigrantëve për në vendet e tjera. Gazetarja Lorena Kodra, ka siguruar për “BalkanWeb” një video, ku shihet se si një furgon i mbushur me emigrantë dalin me shpejtësi nga mjeti dhe shpërndahen nëpër zona të ndryshme të qytetit të Pogradecit, për t’i shpëtuar policisë.
Në pamje, vihen re rreth 20 emigrantë duke u larguar me vrap.
Burime për gazetaren Kodra bëjnë me dije se deri më tani policia ka arritur të arrestojë 15 emigrantë, ndërsa po punojnë për gjetjen e personave të tjerë dhe drejtuesit të mjetit.
(BalkanWeb)