Gazetari Igli Çelmeta në rubrikën “Kjo Javë” në News24 me moderatoren Nisida Tufa zbardh detaje të reja lidhur me zhdukjen e “mbretit” të kumarit, Ervis Martinaj. Ai shprehet se Policia e Shtetit e di fatin e tij, ndërsa tregoi arsyet pse sipas tij nuk thuhet publikisht.
Gjithashtu, Çelmeta tregoi se Ervis Martinaj kishte marrë një mesazh disa ditë para se të zhdukej, pasi në atentatin e 17 korrikut ishte ekzekutuar djali i xhaxhait të tij, Brilant Martinaj, ndërsa disa ditë më vonë ishte vrarë vrarë Klinsman Prenci dhe plagosur Ylli Ibrahimi. Ky i fundit konsiderohej krahu i djathtë i Ervis Martinajt.
“Pas disa ngjarjeve të rënda kriminale, vrasja e kushëririt në 17 korrrik, atentati ndaj krahut të djathtë Ylli Ibrahimi dhe 1 javë më pas, këtë informacion e ka edhe Policia e Shtetit, Ervis Martinajt i kanë çuar fjalë, duke e kërcënuar, i kanë thënë që “tashmë radhën e ke ti”. Janë bërë bashkë disa banda kriminale, ka edhe implikim të Policisë së Shtetit në këtë ngjarje, punonjës të cilës. Policia e Shtetit e di të vërtetën për Ervis Martinajn por nuk e thotë. E vërteta e Ervis Martinajt lidh shumë fusha përveç krimit të organizuar, lojërat të fatit dhe Policisë së Shteit, lidh edhe politikën. Kanë kaluar dy vite nga zhdukja e Ervis Martinajt. E vërteta e Ervis Martinajt do të lihet enigmë, nuk do të zbardhet”, tha Çelmeta.
Ai shton se “për të vërtetën e Ervis Martinajt ka implikim edhe Policia e Shtetit”.
“Ka shumë zyrtarë të policisë, drejtues të saj që merrnin haraçin nga Martinaj i cili kontrollonte lojërat e fatit dhe ndonte të ishte i paprekshëm duke kontrolluar territorin. Përfshirja e drejtuesve të Policisë bën që kjo ngjarje të mos zbardhet”, tha ai.
(BalkanWeb)
