TIRANE

Pasi deklaroi mbylljen e protestës për të parlajmëruar një tjetër të enjten, kreu i PD-së, Lulzim Basha ka mbledhur sot kolegjin e kryetarëve të degëve.

Gazetari Klajdi Bodlli raporton për “BalkanWeb’ se mbledhja e kolegjit të kryetarëve po bëhet për t’u përgatitur për një tjetër protestë para parlamentit me përmasa të njëjta me të sotmen.

Sipas gazetarit Bodlli kjo mbledhje është zhvilluar sot në orën 19:00  për të shprehur vullnetin e ‘shumicës kundër qeverisë dhe kryeminsitrit ilegjitim’.

Kujtojmë se protesta e ditës së sotme u shoqërua me tensione mes protestuesve dhe policisë ndërsa kjo e fundit përdori edhe gazlotsjellës për të larguar protestuesit.

(BalkanWeb)