Një zhvillim i papritur ka ndodhur në qarkun e Kukësit pas numërimit të votave të diasporës, të cilat kanë ndryshuar balancat mes kandidatëve të Partisë Demokratike.

Ishte pikërisht vota e diasporës, që i dha epërsinë Isuf Çelës, duke i siguruar atij mandatin e dytë si përfaqësues i PD-së në këtë qark.

Gara ishte tejet e ngushtë mes Çelës dhe rivalit të tij brenda listës, Shkëlqim Shehut, por me një diferencë të vogël prej 60 votash, Çela arriti të dalë fitues.

Ky përmbysje në minutat e fundit konfirmon rolin vendimtar të votës së emigrantëve në rezultatin përfundimtar.

Rezultati për Qarkun e Kukësit

Partia Demokratike – Aleanca për Shqipërinë Madhështore (PD-ASHM) – 20,769 vota – 53.6%

Partia Socialiste e Shqipërisë (PS) – 11,770 vota – 30.4%

Koalicioni Partia Socialdemokrate (PSD) – 5,164 vota – 13.3%

Partia Mundësia – 294 vota – 0.8%

Partia Koalicioni Euroatlantik (KEA) – 93 vota – 0.2%

Lëvizja Atdheu (LA) – 44 vota – 0.1%

Partia Aleanca Demokracia e Re (ADR) – 6 vota – 0.0%

Koalicioni Nisma Shqipëria Bëhet (NISMA-SHB) – 342 vota – 0.9%

Koalicioni Lëvizja Bashkë – 147 vota – 0.4%

Partia Aleanca Kombëtare Shqiptare (AKSH) – 54 vota – 0.1%

Koalicioni Djathtas për Zhvillim (DZH) – 42 vota – 0.1%

(BalkanWeb)