Lisa Marie Presley thuhet se po merrte opioid dhe humbi shumë peshë dy muaj para vdekjes së saj, sipas një raporti të ri.
Burimet thanë për TMZ se ajo ishte gjithashtu në një dietë të rreptë dhe mori pilula diete për t’u ndjerë më mirë në Golden Globes, ku Austin Butler fitoi për herë të parë Golden Globe për aktorin më të mirë për interpretimin e tij si Elvis Presley në filmin ” Elvis “.
I njëjti burim raportoi se ajo humbi rreth 22 kilogramë dhe ishte shumë e dobët, siç shihej në disa video të publikuara nga ceremonia.
Vajza e mbretit të ndjerë të Rock ‘n’ Roll-it, Elvis Presley, pësoi një arrest kardiak që i mori jetën më 12 janar. Siç dihet, ajo luftoi me varësinë nga droga për pjesën më të madhe të jetës së saj dhe informacione të reja po dalin në dritë pas vdekjes së saj.
Ish-bashkëshorti i saj dhe kitaristi Michael Lockwood, në dokumentet e gjykatës, argumentoi disa vite më parë se përdorimi i drogës nga Presley ishte më i keq nga sa dinte dikush. Në vitin 2016, Lockwood i tha Departamentit të Fëmijëve dhe Shërbimeve Familjare në Los Anxhelos se Presley po bëhej paranojake pasi përdorte kokainë dhe konsumonte deri në 80 pilula opiate në ditë. Në vitin 2015, sipas Lockwood, ajo madje qëndroi zgjuar deri në 11 ditë rresht.
Lisa Marie Presley took opioids, lost 50 pounds in weeks before death: report https://t.co/uwCuMt0vBc pic.twitter.com/g0RBLR827Z
— New York Post (@nypost) January 30, 2023
Kur autoritetet filluan të hetojnë rastin, Lisa Marie Presley hyri në rehabilitim. Një tjetër burim tha se “ajo kishte një ekip privat rehabilitimi dhe shpenzonte rreth 400,000 dollarë në muaj dhe të gjithë mjekët shkonin në apartamentet e saj për ta ndihmuar”.
Vetë Mbreti i Rock ‘n’ Roll-it ishte gjithashtu i varur nga pilulat e dhimbjes dhe fatkeqësisht vajza e tij ndoqi të njëjtën rrugë. Burime pranë familjes pohuan se varësia e saj nga pilulat filloi para se të ndahej nga Michael Jackson dhe ishte për shkak të dhimbjeve torturuese të shpinës. Të tjerë besojnë se ishte pikërisht skandali i tmerrshëm që përfshin keqpërdorimin e financave të saj nga burri i saj.
