Zjarr masiv në afërsi të fshatit Prongji të Gjirokastrës. Gazetarja Brikena Metaj, raporton për “BalkanWeb”, se zjarri ka nisur në kullota prej orës 18:20.
Tashmë ajo është përhapur në afërsi të fshatit Kolonjë, duke përfshirë një vijë të gjatë kilometrike.
Në terren ndodhen forcat zjarrfikëse të Gjirokastrës, e në ndihmë të tyre edhe forcat e Drejtorisë së Pyjores. Terreni mundëson ndërhyrjen vetëm me pompa shpine dhe mjete të tjera dore, ndërsa automjetet zjarrfikëse e kanë të vështirë të shkojnë në vatrat, për shkak të terrenit të thyer.
(BalkanWeb)