Ish- deputeti i PD, Bardh Spahia ka komentuar vendimin më të fundit të Zvicrës për të shtuar në listën e vendeve edhe Shqipërinë për karantinën e detyruar 10- ditore.
Spahia thotë se në kushtet normale këtë informacion duhet ta jepte qeveria, por ajo nuk është e fokusuar tek qytetarët si në rastin me Greqinë.
Ai shton se Zvicra ka shtuar Shqipërinë por ka hequr Serbinë, çfarë tregon se përrallat e Edi Ramës se vendi ynë është i suksesshëm nuk i beson më askush.
STATUSI NGA BARDH SPAHIA
INFORMACION PER QYTETARET QE DO UDHETOJNE DREJT ZVICRES!
Zvicra ka shtuar Shqipërinë në vendet me karantinë të detyrueshme, nëse hyn në territorin e saj. Qeveria zvicerane ka përditësuar listën e vendeve, ardhja nga të cilat do ketë karantinë të detyruar në këtë shtet prej 20 gushtit. Bie në sy se listës i është hequr Serbia, por i është shtuar Shqipëria si vend me rrezikshmeri te larte. Pra perrallat e Edi Rames se jemi vendi me i suksesshem nuk i beson njeri dhe kjo faktohet ne listat e zeza ku hyn vendi yne. Cdo kush që ka qëndruar në Shqipëri deri në 14 ditë para hyrjes në Zvicër, ka detyrimin të karantinohet për 10 ditë. Nuk vlen as bërja e tamponit, sic bëjnë disa vende, por kërkohet automatikisht karantinim. Pra pavaresisht vetelavderimit qesharak te ministres per suksese te arritura, as tamponi qe behet ketu nuk eshte i besueshem! Mosrespektimi i karantinës ndëshkohet me gjobë 10 mijë franga zvicerane.
Prandaj cdo qytetar që do udhëtojë drejt Zvicrës, duhet ta ketë parasysh këtë vendim të qeverisë zvicerane. Në kushte normale këtë informacion duhet ta japë qeveria jonë për shtetasit e vet. Por fatkeqësisht kjo qeveri nuk e ka aspak fokusin tek detyrimet e saj, njëlloj sic nuk i informoi qytetarët që udhëtonin drejt Greqisë.
(BalkanWeb)
