TEPELENE– Makina e avokatit Xhafer Meçe, anëtar i PD në këshillin bashkiak të Tepelenës, është djegur gjatë natës së të mërkurës, rreth orës 02:00. Dyshohet se zjarrvënia është e qëllimshme pas zjarri nuk ka ardhur nga ndonjë defekt teknik.
Mësohet se në momentin e ngjarjes, makina e Meçës ndodhej e parkuar poshtë banesës së tij.
Fillimisht autorët kanë thyer xhamin e mjetit, dhe më pas i kanë vënë flakën.
Xhafer Meçe ngre dyshime se zjarrvënia ka ndodhur për shkak të detyrës së tij si avokat.
Gazetarja Brikena Metaj raporton për “BalkanWeb” se, Meçe pretendon se e di se cili është autori i kësaj ngjarje.
Më herët, Meçe ka qenë kryetar i PD në Tepelenë, dhe aktualisht është anëtar i Kryesisë së kësaj force politike.
(el.sp/Balkanweb)