FIER- Një vajzë vetëm 21-vjeçe ka humbur jetën për shkaqe ende të paqarta dy ditë më parë, pasi kishte shkuar të paktën dy herë në spitalin e Fierit.
Siç bën me dije për “BalkanWeb” gazetari Ervis Kuçi e reja Xhuljeta Xheka është paraqitur në spital me temperaturë të ulët, ndërsa mjekët e Fierit kanë dyshuar se ishte prekur nga ndonjë virozë e stinës.
Vajzës i është bërë një serum e më pas është pëcjellë drejt banesës, por gjendja e saj sa ka ardhur dhe është përkeqësuar. Familjarët e kanë nisur sërish drejt spitalit, por për të rënë ka qënë tepër vonë.
Ndërsa familajrët kanë ngritur akuza të rënda për mjekët, pritet që autopsia të nxjerrë edhe shkaqet e vdekjes së papritur të vajzës së re.
Për rastin në fjalë, policia e Fierit është shprehur se vdekja e së resë ka ardhur për shkaqe natyrale.
“Më datë 12.02.2018, në spital ka vdekur shtetësia XH.GJ, vjeç 21, banuese në fshatin Mujalli. Nga veprimet e kryera rezulton se vdekja ka ardhur si pasojë e shkaqeve natyrale. Materialet u referuan në Prokurorinë e Rrethit Gjyqësor Fier, për vlerësim”.
(m.a/BalkanWeb)
