TIRANË – Një drejtues mjeti është penalizuar ditën e sotme nga policia rrugore pasi u kap duke ecur me shpejtësi tej normave të lejuara.
Ngjarja ndodhi në orët e para të mëngjesit në autostradën Tiranë-Durrës. Sipas policisë, personi në fjalë identiteti i të cilit nuk bëhet i ditur, po ecte me shpejtësinë 214 km/h. Si përfundim, drejtuesit të mjetit iu tërhoq Leja e Drejtimit.
Njoftimi i policisë
Tiranë.
Në orët e para të mëngjesit në autostradën Tiranë – Durrës.
Qarkullonte me shpejtësi tej normave të lejuara konkretisht me 214 km/h matur me Radar, bllokohet gjatë ndjekjes nga 3 patrulla të Policisë Rrugore të Tiranës.
Në përfundim të procedurave, duke përfshirë dhe testin e alkoolit, drejtuesit të mjetit iu tërhoq Leja e Drejtimit dhe u dërgua në OASH për shpejtësi tej normave të lejuara.
(e.f/BalkanWeb)