Autoriteti i Mbrojtjes së Konsumatorit në Itali, njoftoi sot fillimin e një hetimi kundër gjigantëve të elektronikës Samsung dhe Apple për vjetërim të programuar.

“Dy kompanitë dyshohet se kanë aplikuar një politikë tregtare të përgjithshme që synon shfrytëzimin e mangësive të disa përbërësve për të reduktuar në kohë performancën e produkteve të tyre që të nxisin konsumatorët të blejnë versione të reja”, shpjegoi Autoriteti në një komunikatë.

Nga ana tjetër, në Francë, prokuroria e Parisit ka hapur në 5 janar një hetim paraprak për vjetërim të programuar dhe mashtrim kundër “Apple”.

Kompania kaliforniane, që tregton çdo vit një model të ri të telefonave të tij, është shënjestruar gjithashtu nga ankesa në SHBA dhe Rusi, shkruan ata.