Fadil Kasemi i arrestuar për vrasjen e ish-bashkëshortes së tij, gjyqtares Fildes Hafizi i kërkoi Gjykatës së Apelit që të lihet i lirë. Kërkesa e tij vjen në një kohë kur Këshilli i Lartë i Drejtësisë nuk ka përfunduar ende inspektimin në Gjykatën e Kavajës, e cila dënoi me 3 vjet burgim Fadil Kasemin pas përpjekjes së tij në 2015 për të vrarë Fildesin.
Kërkesa e tij u shqyrtua nga gjyqtarje e Apelit, Nertina Kosova që rrëzoi qëndrimin e mbrojtjes, që nga ana e tyre nuk janë dakord që Fadil Kasemi të qëndrojë nën masën arrest me burg.
Duke qenë se avokatët pretendojnë arrestin me afat 60 ditë ndaj klientit të tyre, ose një masë më e butë derisa të dalë ekspertiza mendore, Fadil Kasemi theu heshtjen.
“Unë vazhdoj ta dua akoma Fildesin. Ju kërko avokatëve dhe gjithkujt tjetër, që të mos merret me problemet e familjes time. Nuk dua të me cënoni nderin e gruas…”, ka thënë ai.
Por, pendesa nuk i vlen më asgjë Fadil Kasemit, i cili ndërkohë nga ana tjetër e ka pranuar krimin vetëm me një deklaratë në polici, kur u kërkoi falje fëmijëve të tij.
Gjatë këtyre ditëve i akuzuari ka heshtur megjithë përpjekjet e Prokurorisë për të shkëputur një rrefim prej tij.
39-vjeçarja, gjyqtare në Gjykatën e Shkodrës dhe nënë e dy fëmijëve i kishte dhënë fund martesës dy vjet më parë dhe siç tregojnë dokumentat, ajo kërkoi edhe urdhër mbrojtjeje në gjykatë prej, kërkesë prej së cilës u tërhoq brenda 15 ditëve.
(BalkanWeb)