Dhjetë anëtarë nga e njëjta familje u qëlluan për vdekje nga persona të armatosur në provincën lindore KwaZulu-Natal të Afrikës së Jugut.

Lirandzu Themba, zëdhënësi i Ministrisë së Policisë, tha se incidenti ndodhi në qytetin e Pietermaritzburg në orët e para të mëngjesit të së premtes.

“Persona të armatosur të panjohur sulmuan një shtëpi në Pietermaritzburg dhe i zunë pritë familjes, shtatë gra dhe tre burra u vranë për vdekje gjatë të shtënave,” tha Themba në një deklaratë.

Dy të dyshuar të përfshirë në të shtënat janë arrestuar dhe një i dyshuar u qëllua për vdekje gjatë një shkëmbimi zjarri me policinë.

Në vendngjarje u gjetën tre armë zjarri dhe policia po kërkon për një të dyshuar të katërt që u arratis.

Viktima më e re në të shtënat masive ishte një fëmijë 13 vjeç dhe më e madhja, një grua 63 vjeçe.

Policia tha se është ende duke hetuar motivin e të shtënave të së premtes.

Të shtënat masive janë bërë më të shpeshta në Afrikën e Jugut, ku 70 persona vriteshin mesatarisht çdo ditë nga prilli deri në qershor 2022, sipas statistikave kombëtare.

Në korrik, 14 persona u vranë në një bar në qytezën Soweto pranë Johanesburgut. Policia tha se sulmuesit përdorën armë zjarri të kalibrit të lartë.