4 mln euro shqiptarët për Kanye West, Kapri nxjerr videon që tregon gënjeshtrën e ministres së Ramës, ajo e fshin menjëherë

Deputeti i Partisë Mundësia, Erald Kapri ka denoncuar me video deklaratën e rremë të ministres Erjona Ismaili e cila tha se nuk do të paguhej asnjë lek nga buxheti i shtetit për koncertin e Kanye West.

“Këta edhe të gënjejnë nuk dinë më. Janë bërë gazi i botës”- shkruan Kapri.

Deklarata e ministres binte ndesh me lajmin e dhënë paradite nga kryeministri Edi Rama i cili tha se shteti ka paguar 4 milionë euro për koncertin.

Ministrja Ismaili e fshiu menjëherë videon nga rrjetet sociale por deklarata e saj u përhap në rrjete para se ajo ta hiqte videon.

Postimi i Erald Kaprit:

Kush gënjen më mirë? Rama apo ministrja e tij?

Dëgjojeni pak.

Ministrja thotë 0 lekë për koncertin e Kanye West.

Ta dëgjojmë pak Ramën tani?

4 milionë euro?!

Këta edhe të gënjejnë nuk dinë më.

Janë bërë gazi i botës.