Shtatë persona kanë vdekur pas një stuhie të fuqishme që ka goditur një pjesë të vendeve të Evropës.
Franca, Portugalia dhe Spanja janë goditur nga stuhia Elsa, e cila ka përmbytur lumenj, ka rrëzuar linjat e energjisë dhe ka ndërprerë lidhjet e transportit, përfshirë udhëtimin hekurudhor dhe ajror.
Pesë nga vdekjet janë shënuar në Spanjë dhe dy në Portugali.
Zyrtarët në kryeqytetin spanjoll thanë se një grua 32-vjeçare nga Koreja e Jugut vdiq pasi u godit në kokë nga mbeturinat që kishin rënë nga një ndërtesë në qendër të qytetit.
Të premten në rajonin jug-perëndimor të Andaluzisë, një holandez 68-vjeçar humbi jetën pasi lëvizte në rrugë gjatë stuhisë së erës.
Shirat e mëdha shkaktuan përmbytje dhe në zona të tjera të vendit.
Edhe pse qendra e stuhisë është drejtuar drejt veriut, i gjithë bregdeti veriperëndimor i rajonit Galicia dhe Asturias fqinjë mbetet në alarm të kuq.
Në ishullin Francez, të gjitha aeroportet do të qëndrojnë të mbyllura dhe shërbimet e trageteve për në kontinent janë pezulluar .
Nuk janë raportuar viktima ose plagosje, por shtëpitë, makinat dhe garazhet janë dëmtuar rëndë.
A.Ago, BalkanWeb