TIRANE
Ambasadorja e SHBA në Tiranë, Yuri Kim ka reaguar përmes një statusi në twitter lidhur me debatet që ka përfshirë politikën për listat dhe koalicionet. Ndërsa rikujton marrëveshjen e 5 qershorit, Kim apelon kryetarët e dy partive më të mëdha në vend, Edi Rama dhe Lulzim Basha që t’u përmbahen angazhimeve dhe se cdo propozim duhet të jetë në mirëbesim.
“Ne i kujtojmë kryeministrit Edi Rama, Lulzim Bashës dhe të gjithë udhëheqësve të tjerë të gjitha angazhimet që ata kanë bërë në lidhje me marrëveshje e 5 qershorit dhe çdo masë përtej kësaj. Angazhimi, propozimet dhe kundër-propozimet duhet të jenë me mirëbesim. Gjithmonë do t’ju mbështes, por JU – udhëheqësit – jeni pala përgjegjëse” shkruan Yuri Kim.
Mesazhi i diplomates amerikane vjen ndërsa Parlamenti do të votojë në 1 Tetor ndryshimet e Kodit Zgjedhor të propozuara nga Partia Socialiste dhe për të cilat ende nuk ka konsensus në Këshillin Politik.
We remind PM @ediramaal, DP @lulzimbasha_al & other leaders of all commitments they made with regard to 6/5 & any measures beyond 6/5. Engagement, proposals & counter-proposals must be in good faith. ?? will always support you, but YOU – ?? leaders – are the responsible party. https://t.co/LeFYBmyGAh
— Ambassador Yuri Kim (@USAmbAlbania) September 24, 2020