Kryeministri i Kosovës, Avdullah Hoti, ka zhvilluar sot një bisedë telefonike me homogoun e Greqisë, Kyriakos Mitsotakis, ndonëse fqinjët nuk e kanë njohur ende Kosovën si shtet.
Përmes një mesazhi në ‘Facebook’, Hoti thekson se ka diskutuar me Mitsotakis për zhvillimet politike në vend, thellimin e bashkëpunimit ndërmjet dy vendeve, kryesisht në fushën ekonomike, procesin e dialogut ndërmjet Kosovës dhe Serbisë, si dhe për procesin e liberalizimit të vizave.
“Sot zhvillova një bisedë telefonike me kryeministrin e Greqisë, Kyriakos Mitsotakis, me të cilin biseduam për zhvillimet politike në vend, thellimin e bashkëpunimit ndërmjet dy vendeve, kryesisht në fushën ekonomike, procesin e dialogut ndërmjet Kosovës dhe Serbisë, si dhe për procesin e liberalizimit të vizave, me ç’rast Kosova tash e sa kohë i ka të plotësuara të gjitha kushtet.
Roli mbështetës i Greqisë për Kosovën është tepër i rëndësishëm, ngaqë është vend anëtar i BE-së dhe NATO-s, organizata këto që Kosova aspiron të jetë pjesë e tyre”, shkruan Hoti.
(BalkanWeb)
