Festime në Kosovë e Zvicër, por edhe Gjermani pas fitores plot emocione të ekipit zviceran me 3 shqiptarë ndaj Serbisë.

Zvicra ka eliminuar Serbinë nga Kampionati Botëror për të dytën herë, duke e mposhtur me rezultat 3:2.

Granit Xhaka ishte pa dyshim ylli i mbrëmjes, i cili u shpall u shpall edhe lojtari i ndeshjes, pasi kishte një paraqitje mbresëlënëse.

Paraqitje mbresëlënëse kishte edhe Xherdan Shaqiri, i cili shënoi edhe golin e parë për Zvicrën.

Pas fitores, shqiptarët kanë filluar të festojnë. Një qytetar i zonës së Llapit që jeton në Frankfurt të Gjermanisë ka dërguar video, ku shihen shqiptarë në Frankfurt që ishin mbledhur për të parë ndeshjen, duke festuar me tupana.