Një gjykatë e Koresë së Jugut refuzoi të premten një kërkesë nga zyra e prokurorit për të zgjatur paraburgimin e presidentit të fajësuar Yoon Suk Yeol, për një hetim penal në deklaratën e tij jetëshkurtër të ligjit ushtarak më 3 dhjetor.

Zyra e Hetimit të Korrupsionit për Zyrtarët e Lartë që drejton hetimin të enjten, e transferoi çështjen në zyrën e prokurorisë dhe kërkoi që ata të paditnin Yoon për kryengritje dhe shpërdorim pushteti.

Presidenti korean  i fajësuar dhe i pezulluar nga pushteti më 14 dhjetor është burgosur që nga java e kaluar ndërsa hetuesit hetojnë përpjekjen e tij për të vendosur ligjin ushtarak, një veprim që tronditi kombin korean.

Paraburgimi i Yoon do të përfundojë rreth datës 28 janar dhe ata presin që prokurorët t’i kërkojnë gjykatës ta zgjasë atë edhe për 10 ditë të tjera përpara se të akuzojnë zyrtarisht presidentin.

” Nuk ka asnjë arsye thelbësore që  paraburgimi të zgjatet “, deklaroi  Gjykata Qendrore e qarkut të Seulit.

Prokuroria dhe gjykata nuk ishin të disponueshme për koment.

Avokatët e Yoon kanë reagur vazhdimisht se gjykata nuk ka autoritet për të trajtuar çështjen e tij pasi ligji përcakton një listë të gjerë të zyrtarëve të rangut të lartë dhe shkeljet që mund të hetojë.

(BalkanWeb)