TIRANË – Myslim Murrizi, kryetari i PD-së në Lushnje ka deklaruar sot se brenda dy ditësh do të dorëzojë në Prokurori, faktet e abuzimeve në Lagunën e Karavastasë.
I ftuar në studion e “News 24”, Murrizi akuzoi për keqadministrim të një pasurie që i përket të gjithë shqiptarëve, kryebashkiakun e Divjakës, Fredi Kokoneshin dhe deputetin socialist të zonës, Erion Braçe.
Sipas tij, që nga marsi i vitit të shkuar, 4300 hektarë të lagunës së Karavastasë administrohen privatisht, pa asnjë lloj dokumenti financiaro–ligjor, nga Kokoneshi dhe Braçe.
Po ashtu, Murrizi tha lidhur me pastërtinë e figurës së tij, se pavarësisht se PD-ja ka qënë në qeverisje, ai gjithnjë është marrë me biznesin e tij dhe nuk është bërë pjesë e administratës së saj për përfitime.
(ar.sh/BalkanWeb)