Donald Trump është shfaqur përsëri i hapur ndaj mundësisë së një marrëveshjeje me Iranin, por ai nuk e përjashton, në rast dështimi, madje të shkojë deri në ndërhyrje ushtarake, siç la të kuptohej.

Më shumë se një herë në të njëjtat deklarata për gazetarët, presidenti amerikan iu referua mundësisë së një marrëveshjeje bërthamore me Teheranin.

“Duhet të bëjmë një marrëveshje, përndryshe do të jetë shumë traumatike [domethënë për Iranin] “, shtoi ai. Kur u pyet nga një gazetar nëse kishte një orar për marrëveshjen me Iranin, Trump u përgjigj: ” Mendoj muajin tjetër ose diçka e tillë . Do të ndodhë shumë shpejt”. Në një moment tjetër, ai tha se “Do të flas me iranianët për aq kohë sa të dua”.

Ai shtoi se “nëse nuk arrijmë të bëjmë një marrëveshje me ta, do të kalojmë në fazën e dytë. Faza e dytë do të jetë shumë e vështirë për ta dhe unë nuk e dua këtë.” Nëse marrëveshja, vuri në dukje ai diku tjetër, “nuk është shumë e drejtë dhe shumë e mirë, do të jetë shumë e vështirë për Iranin.”