Një anije cisternë me gaz natyror të lëngshëm (LNG) me flamur rus, Arctic Metagaz, u përfshi nga flakët në Detin Mesdhe të enjten, thanë autoritetet libiane. Moska akuzoi Ukrainën për një sulm me dron mbi anijen, ndërsa incidenti ndodhi midis Maltës dhe Libisë.

Reuters raporton se Arctic Metagaz, e cila është nën sanksione nga SHBA, BE-ja dhe Mbretëria e Bashkuar, u përfshi nga flakët pranë brigjeve të Maltës, ndërsa disa media vendosin ngjarjen më afër bregdetit libian. Fotot dhe videot e postuara në rrjetet sociale tregojnë flakë të mëdha në orët e para të së martës. Autoritetet ruse raportuan se të 30 anëtarët e ekuipazhit janë të shëndoshë e mirë.

Zjarri mund të ketë shkaktuar nga një sulm me dron detar ukrainas, megjithëse kjo nuk është konfirmuar zyrtarisht. Sipas agjencisë ruse TASS, tankeri u godit nga dronë detarë të nisur nga brigjet e Libisë. Anija kishte nisur udhëtimin nga porti rus i Murmanskut.

Autoritetet libiane raportojnë se anija ndodhet 130 milje detare në veri të Sirtes dhe paralajmërojnë të gjitha anijet pranë zonës për rrezikun e përplasjes, rrjedhjes së LNG-së ose karburantit, si dhe rrezikun e ndezjes apo ndotjes detare.

Ushtria ukrainase nuk ka komentuar ende mbi raportet. Analistët sugjerojnë se Arctic Metagaz mund të jetë pjesë e ashtuquajturës “flotë në hije” të Rusisë, e përbërë nga anije me pronësi të errët dhe flamuj komoditeti, që përdoren për të transportuar naftën ruse pavarësisht kufizimeve ndërkombëtare.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: