Një incident i frikshëm ka ndodhur në Queens, ku një 29-vjeçare u sulmua me thikë nga një burrë i panjohur, i cili mbante maskë skijimi. Policia e New York (NYPD) publikoi pamjet e sulmit, të cilat tregojnë momentin kur viktima, Lizette Ramalles, ecte drejt një stacioni autobusi.
Video e tmerrshme tregon sulmuesin duke e ndjekur nga afër Ramalles ndërsa ajo kalon rrugën, ndërkohë që mban thikën në dorën e djathtë. Burri i panjohur nuk tha asgjë para se ta godiste, më pas u largua pa marrë asnjë send të saj.
Viktima pësoi katër goditje me thikë, duke shkaktuar lëndime në shpinë dhe brinjë të thyera. Ajo tha për New York Post se nuk e njihte sulmuesin dhe se sulmi ishte i paprovokuar. “Po prisja semaforin jeshil për të kaluar. Papritmas, djali më qëlloi dy herë me thikë. Kur bërtita, ai u kthye dhe më goditi përsëri,” rrëfeu Ramalles.
Pamjet tregojnë gjithashtu të dyshuarin, i veshur me rroba të errëta, duke ndjekur viktimën në rrugë. Në vendin e ngjarjes u gjet një thikë, ndërsa policia vijon kërkimin e autorit. Sulmi ndodhi në një nga lagjet dikur më të sigurta të New York, e cila ka regjistruar një rritje të vrasjeve prej 62% në vitin 2025.
🚨BREAKING: NYPD have released new video of the suspect in the unprovoked stabbing of a Queens woman.
Lisette Ramales, a mother of three, was waiting to cross the street when she was viciously attacked and stabbed multiple times by a suspect wearing a ski mask.
The victim is… pic.twitter.com/HiIqgqiQ9A
— I Meme Therefore I Am 🇺🇸 (@ImMeme0) March 18, 2026
