Një grua kolumbiane është kapur e plagosur nga forcat ruse në zonën e Zaporizhias, pasi dyshohet se ishte pjesë e forcave që luftojnë në krah të Ukrainës. Sipas raportimeve të mediave ruse, gruaja, e identifikuar nga disa burime si Daniela Zapata Aguire, ndërsa nga të tjera si Pupita Rodriguez, u kap pasi mbeti pas gjatë avancimit të forcave ruse. Në rrjetet sociale janë publikuar pamje që pretendohet se tregojnë momentin kur ajo dorëzon armën pa bërë rezistencë.

Identiteti dhe rrethanat e sakta të kapjes së saj nuk janë konfirmuar në mënyrë të pavarur.


Një ekspert ushtarak rus, Gjeneral Major Sergei Lipovoi, tha për aif.ru se luftëtarët e huaj që kapen gjatë luftimeve mund të përballen me dënime të rënda. Ai hodhi gjithashtu hipotezën se gruaja mund të ketë shërbyer si snajpere, një rol që, sipas tij, u caktohet shpesh grave të huaja në forcat ukrainase.

Megjithatë, këto janë deklarata dhe pretendime të palës ruse dhe nuk ka të dhëna të pavarura që konfirmojnë rolin konkret të gruas në konflikt. Sipas mediave ruse, ajo mund të përballet me një dënim të rëndë nëse shpallet fajtore për pjesëmarrje në luftime.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: