Të paktën nëntë persona kanë vdekur dhe 45 të tjerë rezultojnë të zhdukur pasi një varkë u përmbys në brigjet e Xhibutit , sipas informacionit nga Organizata Ndërkombëtare për Migracionin (IOM).

Incidenti tragjik ndodhi mbrëmjen e së martës, më 24 mars, pranë bregdetit verior të Xhibutit, jashtë rajonit Obock, ndërsa varka mbante 320 persona në kohën e aksidentit.

Agjencia e migracionit nuk dha informacion në lidhje me origjinën ose destinacionin e anijes, pasi incidente të ngjashme janë të zakonshme në ujërat midis Bririt të Afrikës dhe Jemenit.

Mijëra emigrantë nga Briri i Afrikës, veçanërisht nga Etiopia dhe Somalia, udhëtojnë çdo vit për të arritur në Arabinë Saudite dhe vendet e Gjirit në kërkim të mundësive më të mira pune.