Grupi Hezbollah ka deklaruar se prania e trupave izraelite brenda Libanit i jep vendit dhe popullit të tij “të drejtën për të rezistuar”.

Këto deklarata të grupit Hezbollah, vijnë par një dakordësimi për një armëpushim 10-ditor në Izrael dhe Liban. Vendim ky që pritet të hyjë në fuqi pas disa orësh.

Gjithashtu grupi terrorist i mbështetur nga Irani, deklaron se çdo armëpushim nuk duhet t’i lejojë Izraelit lirinë e lëvizjes brenda Libanit.

Më herët kryeministri i Libanit, Nawaf Salam në një reagim në mediat sociale tha se marrëveshja ishte “qëllimi kryesor” i Libanit në bisedimet midis ambasadorëve izraelitë dhe libanezë në Uashington.

Ai gjithashtu shtoi se kishte “shpresë të plotë” që armëpushimi do të thoshte që civilët e zhvendosur në Liban që mendohet të jenë rreth 1.2 milion në numër, të mund të ktheheshin në shtëpitë e tyre sa më shpejt të ishte e mundur.