“Po punoj shumë për t’u rikthyer më i fortë se më parë”, kështu shprehej pak kohë më parë Jack Grealish, por pamjet e bëra publike nga The Sun tregojnë krejtësisht të kundërtën. Grealish u fotografua në gjendje të mjerueshme në një nga lokalet më të njohura në Manchester, totalisht në gjumë dhe dukshëm i dehur.

Sipas The Sun, miqtë e tij u përpoqën ta zgjonin, por Grealish nuk reagonte. Tablodi britanik shton se mesfushori i Everton arriti në lokal rreth orën 16:30, por pas një ore u pa në gjumë dhe i dehur.

Foto e tij dhe tavolina me shishe të boshatisura kanë bërë xhiro në rrjetet sociale duke konfirmuar edhe një herë se anglezi e ka të vështirë të ndryshojë.