Kryeministri britanik Keir Starmer, i cili po përballet me presion të fortë brenda Partia Laburiste pas humbjes në zgjedhjet lokale, nuk do të vendosë një afat kohor për largimin nga posti.
Kështu deklaroi zëvendësi i tij, David Lammy, gjatë një interviste për Sky News. Humbjet e mëdha të laburistëve në zgjedhjet lokale të 7 majit kanë shtuar tensionet brenda partisë, ndërsa raportohet se afro një e katërta e deputetëve kanë kërkuar dorëheqjen e Starmer.
“Nuk do të ketë një afat kohor për tërheqje”, deklaroi Lammy, duke shtuar se kishte zhvilluar dy biseda me Starmer gjatë së dielës. Situata është komplikuar edhe më tej pasi dy figura të rëndësishme të laburistëve kanë nisur lëvizjet për ta sfiduar atë në drejtimin e partisë.
Wes Streeting, i cili dha dorëheqjen javën e kaluar nga posti i sekretarit të Shëndetësisë, deklaroi se do të merrte pjesë në çdo proces formal për sfidimin e lidershipit të Starmer. Ndërkohë, edhe Andy Burnham po kërkon një vend në parlament, çka do t’i mundësonte hyrjen në garën për drejtimin e Partisë Laburiste. Nga ana tjetër, Starmer ka bërë të qartë se synon të luftojë çdo përpjekje për largimin e tij nga drejtimi i partisë dhe posti i kryeministrit.
Sipas rregullave të Partisë Laburiste, një deputet që kërkon të sfidojë liderin duhet të sigurojë mbështetjen e të paktën 81 deputetëve, ose 20% të grupit parlamentar laburist.
