Gazetarja Enduena Llabani, në studion e News24 ka komentuar fjalimin në Senat të Eric Wendt, personi i kandiduar nga presidenti amerikan Donald Trump si ambasador në Shqipëri.
Ajo u shpreh se nga fjalimi i tij vërehet se SHBA nuk do të heqin dorë nga Reforma në Drejtësi ndërsa theksoi se në lidhje me Shqipërinë, ai është informuar nga agjentë të CIA dhe DEA që kanë punuar prej muajsh në vendin tonë.
“SPAK prioritet kyç. Në fjalën e tij u tha që kemi një SPSK të pavarur dhe efikas, pra Amerika nuk do të heqë dorë nga Reforma në Drejtësi.
Për dosjen me Shqipërinë dhe rajonin Wendt është informuar nga agjentët e CIA dhe DEA që qëndruan për 6 muaj në Tiranë, morën informacione të detajuara nga ministritë, Shërbimi Informativ e jo vetëm.
Një nga pikat më të forta të fjalimit, ishte mbështetja e SPAK në lidhje me sigurinë, Prokuroria e Posaçme shihet pra si instrument sigurie”, tha ai.
