Presidenti francez Emmanuel Macron zhvilloi një bisedë telefonike me Donald Trump dhe udhëheqësit e Emirateve të Bashkuara Arabe, Katarit, Arabisë Saudite dhe Jordanisë lidhur me situatën në Lindjen e Mesme dhe tensionet në Ngushtica e Hormuzit.

Sipas një burimi pranë presidencës franceze për AFP, Franca po çon përpara një zgjidhje diplomatike dhe të negociuar, me fokus kryesor rihapjen e plotë të Ngushtica e Hormuzit pa tarifa apo kufizime, arritjen e një armëpushimi dhe rifillimin e negociatave për çështjet bërthamore, balistike dhe ato rajonale.

Ndërkohë, Irani dhe Shtetet e Bashkuara të Amerikës raportuan progres në negociatat e zhvilluara sot, pas javësh tensionesh dhe konsultimesh intensive diplomatike.

Megjithatë, palët mbeten të kujdesshme për mundësinë e përfundimit të konfliktit.

Presidenti amerikan Donald Trump deklaroi për mediat amerikane se një marrëveshje është “afër”, duke vlerësuar shanset për një rezultat pozitiv ose për rifillim të luftës si “50 me 50”.

Në orët e fundit janë shtuar kontaktet diplomatike me synimin për të shmangur përshkallëzimin e mëtejshëm të konfliktit.