Numri i të vdekurve nga shpërthimi i Ebolës  në Republikën Demokratike të Kongos  ka kaluar 200, një muaj pasi verilindja e vendit u shpall gjendje e jashtëzakonshme, tha sot Qendrat Afrikane për Kontrollin dhe Parandalimin e Sëmundjeve (Africa CDC), agjencia shëndetësore e Bashkimit Afrikan. Testet laboratorike kanë konfirmuar se 875 persona janë infektuar me virusin dhe 202 prej tyre kanë vdekur që nga 15 maji, duke e çuar shkallën e vdekshmërisë në 23%. Në Ugandën fqinje, ka 19 raste të konfirmuara dhe dy vdekje.

Shpërthimi aktual i etheve hemorragjike është shkaktuar nga lloji Budibugyo, për të cilin nuk ka vaksinë ose trajtim specifik. Epiqendra e shpërthimit është provinca Ituri në verilindje të RDK-së, e cila është e vështirë për t’u aksesuar për shkak të kushteve të këqija të rrugëve dhe grupeve të armatosura.

Kreu i emergjencave të CDC-së për Afrikën, Oussam Mankoula, tha në një konferencë për shtyp sot se agjencia ishte “e shqetësuar” që gjurmimi i kontakteve në RDK mbeti i pamjaftueshëm “për shkak të problemeve të sigurisë dhe aksesit në disa zona”.

Në të kundërt, shpërthimi ishte “nën kontroll” në Ugandë.

Ebola, e cila përhapet përmes lëngjeve trupore dhe kontaktit të ngushtë, ka vrarë më shumë se 15,000 njerëz në Afrikë gjatë gjysmë shekulli.