Një anije pasagjerësh me 279 persona në bord është përmbysur rreth tre milje larg Kyrenias, pak pasi ishte nisur nga porti i qytetit në Qipron e Veriut.
Bëhet fjalë për katamaranin “Express”, në pronësi të kompanisë Filo Jet. Sipas raportimeve fillestare, në bord ndodheshin 279 persona, ndërsa autoritetet kanë nisur një operacion për shpëtimin e pasagjerëve.
Raportohet se disa persona kanë mbetur të plagosur, por ende nuk ka të dhëna zyrtare për numrin e tyre apo për shkallën e dëmtimeve. Ambulancat janë vendosur në gatishmëri për të pritur personat e shpëtuar.
A major rescue operation is underway after a passenger ferry carrying 270 passengers and crew capsized shortly after leaving northern Cyprus.
The catamaran-style ferry was travelling from Kyrenia, also known as Girne, towards the Turkish port of Taşucu when it began taking on… pic.twitter.com/vaL9yvcNvJ
— BPI News (@BPINewsOrg) August 30, 2026
Të dhënat paraprake ngrenë gjithashtu pikëpyetje mbi gjendjen teknike të anijes. Sipas raportimeve, mjeti ishte i vjetër dhe struktura prej fibrash qelqi ka pësuar dëmtime të rënda, duke bërë që katamarani të ndahej në dy pjesë. Shkaqet e incidentit dhe gjendja e plotë e pasagjerëve pritet të përcaktohen pas hetimeve të autoriteteve.
