Edon Zhegrova ka regjistruar një statistikë interesante në ndeshjen mes Juventusit dhe Cagliarit, ku u aktivizua si zëvendësues.

Sipas të dhënave të publikuara nga “Tuttomercatoweb”, që nga sezoni 2004/05, kur Serie A nisi të zhvillohej me 20 skuadra, vetëm dy futbollistë të tjerë të aktivizuar nga banka rezervë kishin arritur të regjistronin nga pesë goditje në kuadratin e portës brenda një ndeshjeje.

Kjo statistikë e veçon paraqitjen e sulmuesit dardan, i cili, pavarësisht se nuk e nisi ndeshjen si titullar, arriti të linte gjurmë me aktivizimin e tij.

Paraqitja e tij ndaj Cagliarit dëshmon ndikimin që mund të ketë në lojën e Juventusit edhe kur futet nga stoli, duke konfirmuar rrezikshmërinë e tij në fazën sulmuese.