Futbolli është tronditur nga lajmi i trishtë për ndarjen nga jeta të futbollistit spanjoll Jesus de Miguel Alameda, i cili ndërroi jetë në moshën vetëm 30-vjeçare.

Pas lajmit të hidhur ka reaguar edhe ylli argjentinas Lionel Messi, i cili ka përcjellë një mesazh prekës, duke shprehur dhimbjen dhe solidaritetin për këtë humbje të parakohshme.

“Nuk ka fjalë… Ngushëllimet e mia më të sinqerta dhe shumë forcë për të gjithë familjen dhe miqtë e tij. U prehtë në paqe”, ka shkruar Messi.

Jesús de Miguel humbi jetën pas një përplasjeje të fortë me portierin e FC Andorra, Jesús Owono, gjatë ndeshjes mes Tenerife dhe Andorrës në kampionatin e kategorisë së dytë spanjolle.