Kreu i PD-së, Lulzim Basha ka sulmuar sot kryeministrin Edi Rama pas deklaratave në Berat ku i bëri thirrje policëve të marrin pjesë në fushatë pas orarit të punës. Ai tha se këtë gjë nuk e ka bërë as Ramiz Alia në 1991.
“Prej fillimit unë kam një koalicion, jo vetëm bashkimi i opozitës, por bashkimi i qytetarëve. Këtu e keqja këto 4 vitet e fundit mban stampën e Ramës dhe Metës.
Republika e vjetër është në ditët e saj të fundit. Ja sot në Berat bëri thirrje policëve që të mbledhin vota. Policia është e depolitizuar. Asnjë nuk mundet sepse automatikisht shkarkohet.
Me kriminalizimin e shtetit dhe përdorimin e policisë, tregon ku ka mbërritur. As Ramiz Aliaj nuk e ka bërë këtë, që të bëjë thirrje policisë dhe ushtrisë të mbledhë vota. Që në 1991 policia u depolitizua”, u shpreh Basha mbrëmjen e sotme nw emisionin “Zonë e Lirë” të gazetarit Arjan Çani.
(m.k/BalkanWeb)
