Kreu i grupit parlamentar të PS, Taluant Blla tha pas mbledhjes së deputetëve se nuk është diskutuar në të ndryshimet në qeveri. Ai tregoi se pjesë e diskutimeve kanë qenë ushqimet në rritje.
Balla theksoi se qeveria ka bërë një paketë të mirë, për të përballuar pasojat që vijnë nga lufta në Ukrainë.
Do të ketë ndryshime në qeveri?
Balla: Ju në fillim i lëshoni vetë këto lajme dhe mundoheni t’i verifikoni në mbledhjet e grupit parlamentar. Kjo s’ka qenë pjesë e diskutimit.
Çfarë efekti do të japin deputetët, veçse të sillen si punonjës së tatimoreve?
Balla: Unë kam qenë vetë për të bërë edhe detyrën e shtëpisë, për të bërë blerjen e shportës për familjen time. Po ju them që është diçka që e bën çdo deputet i përgjegjshëm në çdo parlament që njoh unë. Në kushtet e një lufte, abuzuesit mund të jenë të shumë dhe që nuk respektojnë diçka që është rënë dakord, për të pasur në raftet e supermarketeve të vendit, një ofertë me atë çmim të gjithëpranuar nga të gjithë tregtarët. Përveçse të harxhoni kohën duke na marrë në pyetje ne, bëni një verifikim, që në një raft të supermarketit të ketë 1 kg sheqer te 99 lekëshi, të ketë 1 kg miell tek te 80 lekëshi dhe të ketë një litër vaj te 300 lekëshi në kushtet e kësaj lufte që ka goditur globin. Koha kur Shqipëria ishte e mbyllur ka marrë fund njëherë e përgjithmonë. Lufta zhvillohet në Ukrainë, por impakti dhe efektet e saj janë shtrirë kudo. Edhe deputetët, natyrshëm, nuk mund të rrinë duarkryq dhe të mos i bashkohen një nisme që nuk e mbështet që qeveria po merr masat e duhura për të kontrolluar format e abuzimit. Në këtë kohë lufte, ata duhet të fitojnë më pak ose aspak. Ata që e kanë të vështirë duhen ndihmuar. Merrni kë të doni, krahasoni paketat. Opozita erdhi me një paketë, të quajtur rezistence më të vogël se sa paketa që ka vendosur qeveria. Ne kemi fatin të kemi qeveri të përgjegjshme që ka marrë masat e duhura. Merrni faturat dhe shihni, se 80% e faturat e dritës i paguan qeveria. Ata që dalin e bërtasin e thonë hiqni TVSH? E kujt. Opozita thotë të hiqet TVSH për ushqimet.
(BalkanWeb)
